Argazki galeriak

Kontrasteak

“Nicolás Guerendiain" Irundar Errepublikanoen Elkarteak erakusketa hau antolatu du, hainbat argazki eta dokumenturekin: KONTRASTEAK: (Irun Errepublikan, Niceto Alcalá Zamora presidentearen bisita. Gerra, sutea, itzulera. Askatasunaren aurka altxa zirenen eta askatasuna galdu zuten presoen irudiak).

Irun alai, zaratatsu, aske; II. Errepublika aldarrikatu berria. Niceto Alcalá Zamora Presidentearen bisita dela eta, jendez pilatzen den herria. Txalotu, estutu, agurtu, besarkatu egiten duten eskuak.

Kontrastean, Irun errea, beltza, gerraren ondoren, mamuak besterik ez diren eraikinak. Irun suak desegina, berriro ere poliki-poliki eraikitzeko zain dago. Fardoak arrastaka eramaten, haurrak bizkarrean galdutako etxera itzultzen. Presoen begirada gogogabea, porrotaren mina adierazten duena.

Uzten dutenaren eta aurkitzen dutenaren, izan zenaren eta denaren kontrastea.

Aztarrika egiten duten eskuak, lurpetik ateratzen direnak.

Prest dauden eskuak, altxatzeko prest, galdutakoa berriz egiteko prest.

Egun batean izan zenaren eta gaur egun garenaren arteko kontrastea. Errautsetatik abiatuta berriz hasteko indarra izan zuen jendea.

Galdutako askatasuna eskuratzeko borrokan aritu ziren eta oraindik ere ari diren gizon eta emakumeak.

Iraganean bezala, gaur egun ere, porrotean eta minean indarra eskuratzen duen herria.

 

 

Honako funtsetan bildutako argazki galeriak:

• Archivo General de la Administración, Fondo Alfonso. Niceto Alcalá-Zamora Irunen.
• Centro Documental de la Memoria Histórica, Fondo PS BIL, C132, EXP6. Irungo frontean zauritutakoen fitxak.
• Centro Documental de la Memoria Histórica, Fondo Erich Andres. Irun-Hendaia muga.
• Biblioteca Nacional de España, Fondo Guerra Civil, C85-4. Irun gerraostean.
• Biblioteca Nacional de España, Fondo Guerra Civil, C85-5. Irun-Hendaia muga.
• Biblioteca Nacional de España, Fondo Guerra Civil, C8. Prisioneroen lekualdaketa Irungo geltokian. 1938ko apirilak 5.