logo de la Asociación Republicana Irunesa 'Nicolás Guerendiain'

2. Artikulua.-
Hona hemen elkartearen helburuak: BALIO ERREPUBLIKARREN DEFENTSA ETA OROIMEN HISTORIKOAREN BERRESKURAPENA

Jarrai iezaguzu...Logo de facebookLogo de youtubeLogo de twiter

Bilatu:

Manifestazioa abenduak 6. Donostian. 12:30etan

Kartel

Beste behin ere, Gipuzkoako antolakunde errepublikanoek manifestazio batera deitu dugu abenduaren 6rako, 78ko konstituzioaren aurka eta benetako prozesu Konstituziogile Errepublikano baten alde.

Konstituzio honekin, sistematik bertatik sortu baitzen frankismotik hartutako pribilegio guztiak mantentzen jarraitzeko, inolaz ere jasan ezin den egoera batera iritsi gara, sistema ustelduta baitago, demokraziaren aurkakoa baita eta kapitalaren interesetara makurtuta baitago.

Une hauetan, konstituzioa agortuta dagoela ikusten ari garelarik, PPSOE alderdiek aldaketa batez hitz egiten ari dira, baina ez dute haren funtsa aldatu nahi.

Horregatik, dei egiten diegu ezkerreko indar sozial, politiko eta sindikalei, federalistei, nazionalistei eta gainerakoei, kalera atera gaitezen eta esan dezagun herrien eta herritarren borondatean oinarritutako konstituzio bat nahi dugula, lan duinerako, etxebizitzarako, hezkuntzarako, osasunerako eta gizarte-babeserako benetako eskubidea defendatuko duena, eta baita autodeterminazio-eskubidea eta askatasun demokratikoak ere.

Dei egiten dugu, desadostasunak desadostasun, elkarrekin atera gaitezen manifestatzera, 78ko konstituzioaren aurka eta benetako prozesu Konstituziogile Errepublikanoaren alde.

Gonbita egiten dizuegu erantsita doan manifestura atxiki zaitezten eta ekitaldian aktiboki parte har dezazuen.

Helbide honetara posta bat bidaliz egin dezakezue:

140431@asociacionrepublicanairunesa.org

Fotos

“Manifestu: Errepublikaren alde"

Ozenki agertzen gara sistema honen aurka; izan ere, pobreziara kondenatzen du gehiengoa, gutxiengo baten mesedetan, eskubide oinarrizkoenak ukatuz; eta aldi berean, askatasunak mugatzen ditu eta parte-hartze demokratikorako osagaiak hertsatzen ditu. Gure iritziz, sistema agortuta dago, bidegabea da eta gabezia demokratiko larriak ditu:

  • Gizarte-eskubideak, hasieratik, paper bustiak bihurtu direlako. Besteak beste, lana izateko eskubidea eta etxebizitza duin bat izateko eskubidea.
  • Erregimen monarkiko ustela delako, jatorriz ere zilegitasunik ez duena. Instituzio arkaikoa da, supostu demokratiko oinarrizkoenik gabea.
  • Frankismoak bere biktimekiko duen inpunitatea konpondu gabe egon dadin uzten duen erregimena delako, konstituzio aurreko legeetan babesten dena; hala baita, esaterako, amnistiraren legea.
  • Legearen aurrean desberdindu egiten duelako: inpunitatea, indultu selektiboak eta botereen benetako banantze eza.
  • Hezkuntza, kultura eta komunikabide politika pertsonen garapen osorako bideratuta ez daudelako.
  • Haien ekonomi eredua ez delako gai, bere izaeragatik, milioika langile eta langaberi bizimodu duina eskaintzeko.
  • Herrien autodeterminazio-eskubidea gauzatzeko aldarrikapena egungo ereduan jasota ez dagoelako.
  • Askatasun demokratikoak eta iritzi-, adierazpide- eta manifestazio-eskubideak larriki mugatuta eta erreprimituta daudelako.
  • Kanpo politikaren bereizgarri nagusia Estatu Batuen eta NATOren interesetara makurtuta egotea delako, gerra inperialista erasokorretan kolaboratuz.

Horiek eta egungo erregimena ezaugarritzen duten eta gaitzesgarriak diren beste elementu batzuk bultzatzen gaituzte eredu berri bat defendatu dezagun. Egiten dugun proposamen hau ERREPUBLIKA da. TRANTSIZIOTIK ATERA DEN EREDU MONARKIKO ETA NEOLIBERALA HAUTSIKO DUEN ERREPUBLIKA, estatu-eredu demokratikoagoa ezarriko duena, askatasun eta berdintasun handiagokoa, non herritarrak edozein gobernu-ekintzaren subjektu nagusiak izango diren eta beren eskubideak eta obligazioak konstituzioan jaso eta legez exijitu ahal izango diren.

Gure asmo irmoa agertzen dugu PROZESU KONSTITUZIOGILE ERREPUBLIKANOA bultzatzeko, herrien, herritarren eta langileen borondate askean oinarritutako Errepublika bat eraikitzeko, eta dei egiten dugu guztiek parte hartu dezaten, edukiz betetzeko, sustatzeko eta defendatzeko.

Kanpora monarkia eta politiko ustelak!

Herrien autodeterminazio-eskubidearen alde!

Benetako berdintasunaren, gizarte-eskubideen eta langileen eskubideen alde!

Amnistia Legea indargabetu!

Ez 78ko Konstituzioari. Bai Konstituzio Errepublikanoari.!

 

Asociación Republicana de Andoain "Belabieta", Asociación Republicana Irunesa “Nicolás Guerendiain”, Agrupación Republicana de Oarsoaldea "Pikoketa", Colectivo Republicano de Euskal Herria, Donostiako Errepublikarrak, Junta Estatal Republicana, Tolosako Foro Errepublikanoa, Unidad Cívica por la República

Deskargatu textua pdf-n

Deskargatu kartela pdf-n

Leandro Agirretxe, 1, 4 Lokala
Irungo Palmera-Montero Gizarte-etxean - 20304 Irun
Tel: 669 075 423