Manifestazioa abenduak 6. Donostian. 12:00etan

Errepublikaren alde!

Beste batzuetan bezala, errepublikanoek abenduaren 6an egingo den mobilizaziora gonbidatu nahi ditugu herritarrak, eredu demokratikoago eta justuago baten alde egiteko, 78ko konstituzioaren urteurrenarekin bat eginez.

Urtero, pasatzen den egun bakoitzak argiago dirudi 78ko konstituzioan oinarritutako erregimena agortuta dagoela, herri honetako langileok eta herriek nahi ditugun eskubide sozial eta demokratikoen aurka etengabe 41 urtez borrokatu ondoren.

Trantsizio deiturikotik sortutako estatu eredua hautsita dago: 1978ko Konstituzioak inori bermatzen ez dizkion eskubideak aitortzen ditu (etxebizitza eta lan duinak, kalitatezko eta sarbide unibertsaleko zerbitzu publikoak, aberastasunaren birbanaketa eta abar), elite ekonomiko eta politikoen pribilegioen berme gisa erabiltzen den bitartean.

Marko berri batekin bakarrik, eredu berri batekin, benetako irteera bat egon daiteke, pairatzen dugun gainbehera eta inboluzio demokratiko eta sozialari irteera sozial bat, inboluzio arriskutsu honen ondorioak zuzenean pairatzen dituzten milioika pertsonen beharrei erantzuna emango diena.

Gure ustez, herriko Errepublika herriarentzat aldarrikatzeak, diktaduratik oinordetzan jasotako erakundeak desmuntatuz, prozesu berri horretarako bultzada emango du, non eskubide sozialak eta askatasun demokratikoak ziurtatuta egongo diren.

Azken urte honetan, euskal errepublikanoak lanari ekin diogu, Euskadiko Mugimendu Errepublikano gisa koordinatzeko eta artikulatzeko.

Sortu berria den Euskadiko Mugimendu Errepublikanotik uste dugu badela garaia prozesu konstituziogile berri bati bultzada emateko, eredu konstituzionalaren egungo krisiarekin amaituko duen prozesu bat, erabakitasunez aurre egingo diona eskubide eta askatasun demokratikoen defentsari, gizarte-eskubideen garapenari krisi terminala ezartzen dion ekonomia kapitalista baten aurrean.

Errepublikaren ordua da. Errepublika soziala, laikoa, feminista, parte-hartzailea eta solidarioa. Herrien nortasuna errespetatzen duen nazio anitzeko Errepublika, herrien eta gizartearen atxikimendu asketik eraikia.

Gora Errepublika!!

Euskalherriko Mugimendu Errepublikarrak

Argazkiak eta bideoa

Deskargatu kartela pdf-n