2. Artikulua.-
Hona hemen elkartearen helburuak: BALIO ERREPUBLIKARREN DEFENTSA ETA OROIMEN HISTORIKOAREN BERRESKURAPENA
Fronte Popularraren garaipenaren 70. urteurreneko adierazpena
Frankismoaren biktimen ordain moraletik harantz.
Aurten beteko dira Espainiako II. Errepublikaren aldarrikapenaren 75. urteurrena eta uztailaren 18ko matxinada faxistaren 70. urteurrena. Ordu hartan faxistek indarrez eta demokraziaren aurka suntsitu egin zuten hauteskunde libreetan aukeratutako gobernu errepublikanoa, gero 40 urteko diktadura anker eta odoltsua ekarri zuen gerra zibila eraginez.
Hitzarturiko Trantsizioak, diktadura frankistatik egungo askatasun erregimenera, zera ekarri zuen praktikan, eta 28 urte geroago ikusita:
- "Amaiera puntuko Legea" frankistentzat.
- Ez zituen II. Errepublikaren legezkotasuna eta zilegitasuna ekarri, eta are gehiago, praktikan II. Errepublikarekin “parekatu” zuen diktadura frankista.
- Ez zituen kolpe, gerra eta diktadura frankistaren biktima eta kaltetuen eskubideak berreskuratu, ezta naziek zapaldutako errepublikanoenak ere.
Oraindik ere bide ertz eta landetan daude 35.000 hildakotik gora
Gobernu Sozialistak gerra zibilaren eta frankismoaren biktimen egoera aztertzeko Ministerio arteko Batzordea sortu zuen 2004. urtean, Francoren erregimenaren errepresioaren biktima izan ziren hainbeste gizon eta emakumeri eginiko kaltea nolabait ere konpontzeko Memoriaren Legea aurkezteko xedean.
Gizarte erakunde ugari ari dira hertsiki eskatzen, presioa egiten, Gobernuak eta Parlamentuak behin betiko erabaki ditzaten errepresio frankista eta naziaren biktima eta kaltetuen eskubideak, baina oraingoz ez dugu hori gertatuko den ziurtapenik.
Hori guztiagatik, zera erabakitzen dute behean sinatzen duten erakundeek:
- Gobernuari Memoria Historikoaren Legea 2006. urte honetan egiteko eskatzea.
- Politika eta gizarte mailan hertsiki eskatzea: "Memoria eta Historia" berreskuratzeko, "parekatze" eta "errebisionismo historikoaren" ahaleginak zorrotz eztabaidatuz, denok errudun izan ginela, eta horrenbestez, "berriro hutsetik hasi" behar dugula uste baitute.
- Estatuko botere publikoei eskatzea:
- "Gerra krimenak eta gizateriaren aurkako krimenak baliorik gabe ez uztearen inguruko konbentzioa" berrets dezaten.
- Erregimen frankistaren legezko ekintza guztien baliogabetasuna legez aldarrika dezaten, Nazio Batuen frankismoaren aurkako 1946ko erabakiak espres aipaturik.
- Epaiketa penal eta militar guztiak baliogabe utz ditzaten arbitrarioak eta legez kontrakoak izateagatik, biktimei ordaina eman diezaieten eta ukituriko artxibo penal eta judizialak berreraiki ditzaten.
- Hobitik ateratze eta ADN datuen bankuen normalizatze legea egin dezaten biktimak identifikatzeko, nazioarteko arauei egokituriko auzitegiko antropologia protokoloa barne, hobitik ateratze horiek dagokion agindu penalaren arabera egiteko.
- Kontzentrazio esparruak eta bortxazko lanak aitortzeko legea egin dezaten.
- Ezagutze sozial eta ekonomikoa askatasuna kendu zitzaien pertsona guztiei.
- Artxibo publiko, militar, diplomatiko eta pribatuetatik etorritako dokumentazioa sailkatu eta jendearen eskura jarriko duen artxibo politika bidera dezaten, gerra zibilaren garaian nahiz diktadura frankistan izandako errepresioaren azterketan aurrera egin ahal izateko.
Espainiako II. Errepublikaren legezkotasuna eta zilegitasuna aitor dezaten.
Madril, 2006ko otsailak 16, Fronte Popularraren garaipenaren 70. urteurrena
Erakunde deitzaileak: Asociación Foro por la Memoria, Asociación de Ex Presos y Represaliados Politicos antifranquistas, Unidad Cívica por la República, Club de Amigos de la Unesco de Madrid, Asociación Manuel Azaña, Asociación Memoria Social y Democrática, Ateneo Republicano de Vallekas, Fundación Domingo Malagón, Plataforma de Ciudadanos por la República.